УКМКнын төрагасы Камчыбек Ташиев чек арачыларга кызматтык үйлөрдү тапшырды. Бул ирет жаңы үйлөр Баткендеги «Кулунду» заставасындагы чек арачыларга буйруду.
Атайын кызматтан кабарлашкандай, чек арачылардын турак-жай комплекси 30 батирлүү болуп, турмуш-тиричилик техникалары менен толугу менен камcыздалган. Мындан сырткары, балдар ойноочу аянтча жана башка бардык шарттары бар.
Андан соң, Ташиев «Кулунду» чек ара заставасынын имаратынын абалын көрүп, аскерлердин жашоо-шарты менен таанышты. Баткен жергесине жасаган жумушчу сапарынын алкагында дагы бир топ аскердик имараттардын ачылыш аземдерине катышты.
