Бишкекте түнкү рейддик иш-чаралардын жүрүшүндө мас абалында унаа башкарган айдоочу кармалды. Бул тууралуу Милициянын кайгуул кызмат башкармалыгы билдирет.
Маалыматка ылайык, рейддик иш-чарада «Тойота Камри» үлгүсүндөгү унаанын айдоочусу жолдо шектүү кыймыл жасап, башка жол кыймылынын катышуучуларына кооптуулук жараткан.
МККБ кызматкерлери мыйзамдуу түрдө унааны токтотуу талабын коюшкан. Бирок айдоочу баш ийбей, качууга аракет кылган. Унаа кыска убакыттын ичинде кызматкерлер тарабынан токтотулуп, айдоочу кармалган.
Текшерүү учурунда айдоочу мас абалында унаа башкарганы аныкталган. Аталган факты боюнча айдоочуга карата укук бузуулар жөнүндө протокол түзүлүп, автоунаа айып короого токтотулду.
