Баткен облусунда учурда 100 жаштан ашкан 24 карыя жашайт. Алардын баарына облус жетекчисинин белектери жеткирилүүдө.
Облус жетекчисинин орун басары Бактыбек Токсонбаев Баткен районунун Согмент айылынын тургуну, 100 жаштагы Назарали Ураимовдон кабар алып, белектерин тапшырды.
Назарали атанын 9 баласы, 100гө жакын небере-чөбөрөлөрү бар. Ал Улуу Ата Мекендик согуш учурунда тылда, согуштан кийин эсепчи болуп эмгектенген.
1-октябрь Улгайган адамдардын эл аралык күнүнө карата облус башчысынын буйругуна ылайык, карыларга кам көрүүнүн бир айлыгы жарыяланган. Бул багытта Баткен облусунун аймагында карыларга сый-урмат көрсөтүү иш-чаралары жүрүүдө.
