УКМК Баткен облусунун Кадамжай районунда жеке турак-жай куруу үчүн жергиликтүү калкка жер тилкелерин бөлүп берүүдөгү коррупциялык схеманы аныктады.
Тергөө иш-чаралардын жүрүшүндө айрым кызмат адамдары өз ыйгарым укуктарын кыянаттык менен пайдаланып, жеке курулушка жер тилкелерин бөлүп берүү маселесин оң чечкени үчүн жергиликтүү тургундардан 100 миң доллар өлчөмүндө акча талап кылгандыгы такталды.
14-декабрда 6 600 АКШ доллары өлчөмүндө пара алып жаткан учурда Кадамжай районундагы Исхак-Полотхан айыл аймагынын башчысы Д.Ж. кармалды.
Алынган далилдердин негизинде ал Биринчи май райондук сотунун чечими менен УКМКнын тергөө абагына киргизилди. Учурда тергөө иштери жүрүүдө.
