Баткен районунда уурулукка шектелип 23 жаштагы жигит кармалды. Бул тууралуу Баткен ОИИБнын басма сөз кызматы билдирди.
Маалыматка ылайык, ушул жылдын 2-августка караган түнү белгисиз адамдар Баткен районунун аймагындагы айылдардын бириндеги үйгө кирип, үй ээсинин 65 500 сомун уурдап изин жашырып кетишкен.
Бул факт Кылмыштардын бирдиктүү реестрине Кылмыш-жаза кодексинин 205-беренеси (уурулук) менен катталып, сотко чейинки өндүрүш иши башталган.
Жүргүзүлгөн ыкчам-иликтөө иштеринин натыйжасында шектүү катары Баткен районунун 23 жаштагы Г.У.Б. аттуу тургуну аныкталып, Баткен РИИБнин тергөө кызматына камсыз кылынган.
Шектүүнүн башка кылмыштарга катыштыгы бар же жоктугун аныктоо багытында ыкчам тергөө аракеттери жүрүүдө.