Энергетика министрлиги менен Кытайдын «States Technology Co., Limited» жана «Сан Энерджи Ко» компаниялары ортосунда Кыргызстанга күн электр станциясын куруу боюнча Инвестициялык келишимге кол коюлду. Бул тууралуу аталган министрлик маалымдайт.
Ага ылайык, Баткен облусунун Ак-Турпак айыл аймагына жалпы 669,3 гектар жерге 250 МВттык күн электр станциясы курулат жана куруу иштери 2025-жылы баштоо жана 2027 — жылы ишке киргизүү пландалган.
Бул долбоор ишке ашырылса Ак-Турпак аймагынын тургундарын электр энергиясы менен камсыз кылууга мүмкүнчүлүк түзүлөт. Күн электр станциясы ишке киргенден кийин андан өндүрүлгөн электр энергияны «КУЭТ» ААК сатып алат.
