Баткенде балдар мекемесинде иштебеген адамдарга айлык акы төлөнүп турган фактылары аныкталды. Бул тууралуу УКМКдан билдиришти.
Баткен облусунун Баткен районунун Кара-Бак айылындагы «Кулунчак» мектепке чейинки балдар мекемесинде бюджеттик каражаттарды мыйзамсыз пайдаланып жүрүшкөн.
Аталган мекемеде иш жүзүндө иштебеген адамдарга эмгек акы чегерилип төлөнүп келген. Мыйзамсыз топтолгон каражаттар мекеменин жетекчилиги тарабынан өздөштүрүлгөн.
Кылмыш-жаза кодексинин 210-беренеси боюнча кылмыш иши козголгон. Учурда тергөө иштери уланууда.
