Кыз ала качууга шектелген үч жаран кармалды. Бул тууралуу Баткен ОИИБден кабарлады.
Окуя 5-октябрь күнү саат 19:15 чамасында болгон. Буга байланыштуу шаар аймагына “Курчоо” планы киргизилген.
Кадамжай районунун Үч-Коргон айыл аймагынын тургундары алдын ала сүйлөшүп, 18 жаштагы кызды ала качууга барышканы аныкталды.
Бул факты боюнча «Никеге туруу максатында ала качуу» беренеси менен кылмыш иши козголду. Аталган үч жаран убактылуу кармоочу жайга киргизилип, унаасы айып токтотуучу жайга токтотулду.
