Баткенде эт жана мал-жандыктарды контрабандалык жол менен чыгарып кетүү аракети токтотулду. Бул тууралуу УКМКнын басма сөз кызматынан билдиришти.
Тергөөнүн маалыматына ылайык, кыргыз-тажик мамлекеттик чек ара аймагында узундугу болжол менен үч метрге жеткен атайылап демонтаждалган тосмо аркылуу 15 бодо малды өткөрүүгө аракет кылган А.У.С., Ж.Д.А. жана Г.Э.А. аттуу 3 кыргыз жараны кармалган.
Азыркы тапта ыкчам-тергөө иштери улантылып, бул мыйзамсыз ишке тиешеси бар адамдар аныкталып, жоопкерчиликке тартылат.
Атайын операциянын алкагында, облус аймагында аткезчиликке тиешеси бар 31 жаран аныкталып, контрабандалык жана башка мыйзамсыз иш-аракеттерден баш тартуу тууралуу эскертүүлөр берилип, КР мыйзамдарын сактоо боюнча милдеттенмелер алынды жана тиешелүү видео материалдар менен бекитилди.
