Баткен облусунун Лейлек районунун Кулунду айыл аймагынын Булак-Башы айылындагы “Мега Газаблок” ишканасы салтанаттуу ачылып, пайдаланууга берилди. Бул тууралуу аймактык өкүлчүлүк билдирди.
Ишкана бүгүн өлкөдө ачылган 94 ишкананын катарында, Президент Садыр Жапаровдун катышуусунда ачылды.
Жеринен саамалыкка КРнын Президентинин Баткен облусундагы ыйгарым укуктуу өкүлүнүн орун басары Абдирашит Ташбалтаев баштаган жергиликтүү жетекчилер катышты.
Ишкананын долбоору үчүн, “Мега Газаблок” ЖЧКсы 18,0 млн доллар инвестиция салган.
Немис технологиясы менен автоклав газоблокторун чыгаруучу завод, экологиялык таза курулуш материалын чыгарууда.
Завод күнүнө 1200 куб метрге чейин сапаттуу автоклавдык газоблок чыгара алат.
Бул өндүрүштүн ачылуусу, чек арадагы айыл үчүн экономикалык жактан өсүү мүмкүнчүлүгүн жогорулатат.
