Биоартүрдүүлүктү сактоо жана өзгөчө корголуучу жаратылыш аймактары департаментинин Баткен өкүлчүлүгүнүн кызматкерлери мергенчилер менен биргеликте Баткен районунун Кара-Булак айылынан 13 чөө атып жок кылышты. Бул тууралуу Биоартүрдүүлүктү сактоо жана өзгөчө корголуучу жаратылыш аймактары департаментинин Баткен өкүлчүлүгүнүн Баткен районунун аңчы-адиси Кубанычбек Амиракулов билдирди.
Анын айтмында аталган мекемеге Баткен районунун Кара-Булак айыл өкмөтүнөн жергиликтүүлөрдүн мал жандыктарын чөө жеп кетип жаткандыгы тууралуу кабарлашкан.
«Анын негизинде аталган департамент Баткен шаары жана районундагы 20дай мергенчилер менен биргеликте чөө атуу боюнча биргеликте иш алып барышкан. Бир күн ичинде 13 чөө атылды. Мындай аракеттер мындан ары да чөө көп, атууга муктаж аймактарда улантылат», — деп берилет маалыматта.
