Базар-Коргондогу №52 кесиптик лицейинин жооптуу кызмат адамдары чет өлкөлөрдө жүргөн 10 окуучуга окуу жайын бүтүргөндүгүн тастыктаган аттестат жана дипломдорду мыйзамсыз беришкендиги аныкталды. Бул тууралуу Башкы прокуратура билдирди.
Маалыматка ылайык, 2024–2025-жылдары чет мамлекеттерде жүргөн 10 окуучу окууга катышкан катары көрсөтүп, тиешелүү документтер жасалмаланган.
Аталган факты боюнча Кылмыш-жаза кодексинин кызмат абалынан кыянаттык менен пайдалануу менен кылмыш иши козголуп, тергөө амалдары жүргүзүлүүдө.
