Кадамжай районунда «Базарбай ата» чакан ГЭСинин курулушу аяктап, пайдаланууга берилди. Бул тууралуу президенттин Баткен облусундагы өкүлчүлүгүнөн билдиришти.
ГЭСтин 1-агрегаты толук кандуу ишке кирди. Анын кубаттуулугу саатына 200 кВт, ал эми жалпы кубаттуулугу 600 кВтты түзөт.
Жеке ишкер ГЭСтин курулушуна 8 млн сом инвестиция салган. Мындан сырткары, Россия-Кыргыз өнүктүрүү фондунан 8 млн сом насыя берилген.
ГЭСтин ишке кириши менен аймактагы электр энергиясына болгон муктаждык жеңилдеп, 10 адам жумуш менен камсыз болууда.
