Токмокто уурулукка шектүү жаран кармалды. Бул тууралуу Чүй ОИИБнын басма сөз кызматы билдирди.
Маалыматка ылайык, 2021-жылдын октябрь айынан тарта Томкок шаардык милициясына жергиликтүү тургундардан бир нече арыздар келип түшүп, арызда телефон, акча, зер буюмдар, ошондой эле азык-түлүк жана темир түтүктөр уурдалганы жазылган.
Бул фактылар Кылмыштардын бирдиктүү реестрине Кылмыш кодексинин 205-беренеси (“Уурдоо”) боюнча катталган.
Жүргүзүлгөн ыкчам издөө иштеринин негизинде Т.А. аттуу жаран кармалып, убактылуу кармоочу жайга камакка алынган.
Шектүүнүн Токмок шаары боюнча үч кылмыш фактысына тиешеси бар экендиги такталып, сотко чейинки өндүрүш иштеринин алкагында шаардагы базардан ар түрдүү боюмдарды уурдап жүргөндүгү аныкталган.
Учурда териштирүү иштери улантылууда.
