Бишкектин Биринчи Май райондук соту Орусиянын элчилигинин алдында, «Ала-Тоо» аянтында, Жогорку Кеңештин, президенттик аппараттын имаратынын алдында митинг өткөрүүгө чектөө киргизди. Бул тууралуу аталган райондук соттон билдиришти.
Маалыматка караганда, Биринчи май РИИБи тарабынан кандайдыр бир аракеттерге чектөө киргизүү боюнча арыз түшкөн. Убактылуу тыюу салуу 11-мартта киргизилген жана 11-апрелге чейин созулат.
«Бишкек шаарында жайгашкан Россия Федерациясынын элчилигинин алдында, борбордук «Ала-Тоо» аянтында, Жогорку Кеңештин жана президенттик аппараттын имаратынын алдына митинг өткөрүүгө чектөө коюу жөнүндө чечими мыйзамдуу жана негиздүү деп табылды»,- деп айтылат маалыматта.
