Алматыда эт саткан базарлардын биринде аялдын кесилген башын баштыка салып таштап кетишкен. Бул тууралуу “Спутник Казакстан” жазып чыкты.
Милицияга кароосуз калган имараттардын биринин жанынан башы кесилген аялдын жансыз денеси табылганы тууралуу маалымат түшкөн. Бир канча убакыттан кийин аялдын башы жакын жердеги соода түйүндөрүнүн биринен табылган.
47 жаштагы маркумдун туруктуу жашаган жери жок болгон. Маалым болгондой, ал бир нече жолу баңги кылмыштары үчүн соттолгон.
Аталган факты боюнча кылмыш иши козголгон. Окуяга күбө болгондордун айтымында, шектүү адам базарды кыдырып жүргөн. Учурда ал изделүүдө.
