Кечээ, 22-сентябрда Жогорку Кеңештин депутаты Аккулу Бердиев Кыргызстандан аткезчилик жолу менен ташылып баратып, колго түшүп, Эркечтам» бекетинде кармалып турган 17 фура алтын концентраты “Достук” постту аркылуу сыртка чыгып кеткендигин сессияда көтөрүп чыкты.
Бул маалыматты Мамлекеттик бажы кызматы тастыктады.
Мекеме импорт жана экспорт Кыргызстандын тиешелүү мамлекеттик органы тарабынан ишканаларга берилген лицензиянын негизинде ишке ашырылаарын айтат.
«Алтын концентратын сыртка ташып кеткен “Гик Кайди” компаниясына ыйгарым укуктуу орган быйыл 26-августта флотациялык концентратты экспорттоого лицензия берген. Бажы кызматкерлери ишкананын уруксат документтерин көрүп концентраттарды сыртка чыгарышкан«- деп билдирет.
“Эркечтам” аркылуу аткезчилик жолу менен чыгарып кетүүгө аракет кылынган 17 фура алтын концентраты Чоң-Алайдагы алтын кенинен казылып алынган чийки зат. Ар бир фурага төрт тоннадан жүктөлгөнү айтылган.