Бүгүн, 29-июлда 2024-жылдын жарым жылдык отчетун Саламаттыкты сактоо министри Алымкадыр Бейшеналиев берди. Ал кызамыкка каршы эмдөөдөн кийин каза болгон 3 жашар баланын иши боюнча дагы комментарий берди.
«Азыр комиссия иштеп жатат. Бул дары менен 800 миңден ашуун бала эмделгендиктен, баланын эмне себептен каза болгонун тактап жатабыз. Ал бала эмдөө алган учурда башка оорулар менен да ооруп жаткан экен», — деди ал.
Эске салсак, Нарындагы үй-бүлө 3 жашар баласы эмдөөдөн кийин чарчап калганын айтып, кайрылуу жасаган. Саламаттыкты сактоо министрлиги маалымат таратып, комиссия түзүлгөнүн билдирген.
