Россиянын Белгород облусунда Ил-76 учагы кулады. Бул тууралуу Коргоо министрлигинин маалыматына таянып РИА Новости кабарлады.
Маалыматка караганда, учактын ичинде Украинанын Куралдуу күчтөрүнүн туткунга түшкөн 65 аскери, алты адамдан турган экипаж жана туткундарды коштогон үч адам болгон. Аскерлер алмашуу үчүн алынып бараткан. Кырсыктын себептерин аныктоо үчүн окуя болгон жерге Россиянын аба күчтөрүнүн комиссиясы учуп кетти.
Жергиликтүү телеграм-каналдар жарыялап жаткан видеолордон кулап бараткан учактан кийинки жарылууну, түтүн чыгып жаткан жерди аскер кызматкерлери курчап турганын көрүүгө болот.
