20-ноябрдан тарта Беловодск жана Шопоков станцияларынын ортосундагы 3742-чакырымдагы темир жол кесилиши убактылуу жабылат. Бул тууралуу “Кыргыз темир жолу” мамлекеттик ишканасынан билдиришти.
Компаниянын маалыматы боюнча, тилкеде эртең мененки саат 8:00дөн 17:00гө чейин жолду оңдоо иштери жүргүзүлүп, эскилиги жеткен R50 рельстери R65 рельстерине алмаштырылат.
Өтмөк жабылган учурда Москва районундагы Беловодск айылындагы Проездная көчөсү (3740 чакырым) жана Крупская көчөсү (3748 чакырым) боюнча айланма жол түзүлөт.
