Кыргызстандын бийик тоолуу аймактарындагы калктуу конуштардын тизмеси жаңыланды. Тиешелүү буйрукка Адылбек Касымалиев кол койду.
Документ өлкөнүн бийик тоолуу аймактарында жайгашкан калктуу конуштардын жаңыланган тизмесин бекитет. Бул маалыматты Эмгек, социалдык коргоо жана миграция министрлиги да тастыктады.
Ал бийик тоолуу жана алыскы аймактарда жашаган жана иштеген адамдарга мамлекеттик кепилдиктер, компенсациялар жөнүндө мыйзамдарга ылайык кабыл алынган. Тизмеге аймактарда жайгашкан 29 аймак киргизилген.
Жаңы токтом расмий жарыялангандан он күн өткөндөн кийин күчүнө кирет.
