Билим берүү жана илим министринин орун басары Расул Абазбек уулу ээлеген кызмат ордунан бошотулду. Чечим бүгүн «Ынтымак Ордодо» өткөн президенттин администрациясынын коллегиясында кабыл алынды.
Расул Абазбек уулу ишти жетиштүү деңгээлде аткарбагандыгы үчүн кызматынан четтетилди.
Ошондой эле жыйында билим берүү жана илим министри Догдуркүл Кендирбаевага “эскертүү” берилип, орун басары Лира Самыкбаевага “катуу сөгүш” берилди.
Мындан тышкары аталган министрликтин 3 кызматкерине тартиптик жазаларды колдонуу сунушталып, “катуу сөгүш” жарыяланды.
Билим берүү жана илим министрлигинин лицензиялоо секторунун башчысынын убактылуу милдетин аткаруучу Д.К. Алибаеваны кызмат ордунан бошотуу керектиги белгиленди.
