Жогорку Кеңештин Бюджет, экономикалык жана фискалдык саясат боюнча комитетинин жыйынында депутат Эльвира Сурабалдиева ташталган ымыркайлар боюнча «Baby box» маселесин көтөрдү.
«Дагы бир 20 жаштагы кыз ымыркайын таштап кетти. Өткөн чакырылышта эле мен өкмөттөн суранып, «Baby box» киргизбейлиби дегем. Мага акча көп кетет дешкен. Кыргызстандын бир жаранынын жашоосунун баркы барбы? Бир адамдын баасы канча?»- деди ал.
Ал эми, Эмгек, социалдык коргоо жана миграция министри Гүлнара Баатырова адам өмүрү акча менен бааланбайт деп жооп берген. Ал бул сунушту колдогон.
