Мурда бир нече жолу соттолгон жаран тоноочулукка шектелип кармалды. Бул тууралуу Баткен ОИИБден билдиришти.
Лейлек районунун Тогуз-Булак айыл аймагынын 35 жаштагы тургуну 1-март күнү Раззаков шаарындагы борбордук базарда белгисиз жаран аны уруп, колундагы “Samsung Galaxy A04” үлгүсүндөгү телефонун тартып алганын билдирген. Жабырлануучу 14 миң сомго жакын зыян тарткандыгын билдирип, милицияга арыз менен кайрылган.
Бир нече соттолгон Кара-Булак айыл аймагынын тургуну кармалды. Учурда тергөө жүрүп жатат.