VI Дүйнөлүк көчмөндөр оюндарынын ачылыш аземине келген көрүүчүлөр «Бишкек Арена» стадионуна бир катар буюмдарды алып кире алышпайт. Стадиондун администрациясы коопсуздук талаптарына байланыштуу стадионго киргизүүгө тыюу салынган буюмдардын тизмесин жарыялады.
Тизме:
- тамеки, IQOS, насвай, сагыз, сырттан алып келинген тамак-аш жана суусундуктар, айнек бөтөлкө, банка жана башка катуу же сынуучу идиштер;
- чоң көлөмдөгү рюкзак, сумка жана чемодандар;
- курал-жарак, сайгыч-кескич буюмдар, пиротехникалык каражаттар, аэрозолдор жана газ баллондору сыяктуу кооптуу заттар;
- алдын ала уруксат берилбеген кесиптик камералар, дрондор, радиостанциялар жана жогорку жыштыктагы байланыш жабдуулар;
- музыкалык аспаптар, ышкырыктар, мегафон жана башка катуу үн чыгаруучу каражаттар;
Тыюу салынган буюмдар стадиондун кире беришиндеги текшерүү учурунда алынат.
