Бишкек – Балыкчы – Нарын – Торугарт унаа жолунун 470–544-чакырым аралыгы кардан тазаланып, эки тараптуу каттам берилди. Бул тууралуу Транспорт жана коммуникациялар министрлигинин маалымат кызматы билдирди.
Маалыматка ылайык, учурда министрликтин кызматкерлери тарабынан атайын техникалар тартылып, жолду кеңейтүү иштери жүргүзүлүүдө.
Буга чейин Бишкек – Балыкчы – Нарын – Торугарт автожолунун 445–544-чакырым аралыгына түн ичинде кар жаап, анын калыңдыгы айрым жерлерде 25–35 сантиметрге чейин жеткен. Министрлик тоолуу аймактарда аба ырайынын кескин өзгөрүшүнө байланыштуу айдоочуларды жолдо этият болууга, ылдамдыкты ашырбоого жана коопсуздук аралыкты так сактоого чакырат.
