«Кыргызстан аэропорттору» ААК Кытайдын ири авиакомпанияларынын бири болгон China Eastern Airlines менен Бишкек- Шанхай- Бишкек багыты боюнча түз авиакаттам ачуу мүмкүнчүлүгүн талкуулады.
Компаниянын маалыматына ылайык, жаңы каттам эки өлкөнүн ортосундагы транспорттук байланышты чыңдап, туризмди, соода-экономикалык жана ишкердик кызматташтыкты өнүктүрүүгө өбөлгө түзөт.
«Кыргызстан аэропорттору» ААК Башкармалыгынын төрагасы Манасбек Самидинов бул демилге Кыргызстандын эл аралык авиациялык байланыштарын кеңейтүүгө багытталган стратегиянын бир бөлүгү экенин белгиледи.
