Бишкек-Ош жолунун 374-чакырымында жол кырсыгы катталып, 6 адам каза болду. Бул тууралуу 7-каналга Жалал-Абад облустук жол кыймылын көзөмөлдөө башкармалыганан билдиришти.

Маалыматка ылайык, кечээ, 19-ноябрь күнү Бишкек-Ош жолунун 374+500 чакырымында, Баткен облусунун Кадамжай районунун тургуну 1968-жылы туулган Ж. А. Х өзүнө таандык Форд-Транзит үлгүсүндөгү ак түстөгү автоунаасы Бишкек багытынан Ош багытын көздөй башкарып бара жатып, алдында оор жүк ташуучу унаасынан озуп өтүп карама-каршы тилкеге чыгып барып Ош облусунун Кара-Суу районунун тургуну 1992-жылы туулган Н. А башкаруусундагы оор жүк ташуучу автоунаасынын алдынкы сол тарабын сүзгөн.

Кырсыктын кесепетинен 6 адам каза болгон.

Каза болгон жарандар:

1) Баткен облусунун Кадамжай районунун тургуну 1968-жылы туулган Форд Транзитин айдоочусу;

2) Кадамжай районунун 1972-жылы туулган тургуну (аял киши);

3) Кадамжай районунун 1994-жылы туулган тургуну;

4) Кадамжай районунун 1967-жылы туулган тургуну;

5) Кадамжай районунун 1972-жылы туулган тургуну (аял киши):

6) азият улутундагы жашы болжол менен 65-70 жаштагы аял кишинин өздүгү тактала элек.