Бишкек-Ош унаа жолундагы Сосновка жана Каракөл постторунда QR-код аркылуу төлөм жүргүзүү киргизилди.
Накталай эмес төлөм системасы Транспорт жана коммуникациялар министрлигине караштуу өндүрүштүк инновациялык борбор мамлекеттик мекемесинин кызматкерлери тарабынан иштелип чыккан.
“Буга чейин төлөм топтоо көзөмөлүн күчөтүү максатында Сосновка жана Каракөл видеокөзөмөлдөр орнотулуп анын жыйынтыгында төлөм чогултуудан түшкөн каражаттын көлөмү кескин жогорулаган. Бул жаңычылдык да мамлекеттик кызмат көрсөтүүлөрдү жакшыртууга адам факторун жоюуга жана корруциялык учурларды алдын алууга шарт түзөт”,-деп Транспорт жана коммуникациялар министрлигинен билдиришти.
