Бишкек шаарында баңгизат сатууга шектелген жаран кармалды. Бул тууралуу ИИМ кызматкерлери билдиришти.
Маалым болгондой, 2021-жылдын 18-апрелинде Бишкек шаарынын Масалиев көчөсүнөн А.А., аттуу жарандын башкаруусундагы «Мицубиси-Спейстар» үлгүсүндөгү автоунаа токтотулган. Унаадан өзгөчө кендир жытына ээ болгон, кара жашыл түстөгү таңгакталган зат табылып алынган.
«Табылып алынган зат 5 килограмм 895 граммды түзгөн «гашиш» баңги каражаты экени аныкталды. Шектүү убактылуу кармоочу жайга киргизилди. Учурда аталган кылмышка тиешеси бар башка жактарды аныктоо боюнча ыкчам тергөө иш-чаралары улантылууда», — деп берилет маалыматта.