Бишкек шаарындагы «Аламүдүн» базарынын аймагында экинчи ротордук токтотмо ишке берилди. Бул тууралуу мэриянын басма сөз кызматынан билдиришти.
«Заманбап жабдуу 10 унаага эсептелген жана мейкиндикти кыйла үнөмдөөгө мүмкүнчүлүк берет. Төлөм QR-код аркылуу ыңгайлуу жана тез жүргүзүлөт. Төлөм ийгиликтүү бүткөндөн кийин айдоочу чекти операторго көрсөтүп, токтотмодон чыга алат», — делет маалыматта.
Жаңы ротордук токтотмонун ишке кириши Бишкектин борбордук аймактарында токтотмо жайларынын жетишсиздиги маселесин чечүүгө дагы бир кадам болуп, шаар тургундары үчүн токтотууну ыңгайлуу кылат.
