Бишкек шаарынын мэри Айбек Джунушалиевдин тапшырмасы менен мэрдин орун басары Рамиз Алиев баштаган делегация Кытайда иш сапары менен жүрөт.
Борбор калаанын мэриясынын адистери атайын жабдууларды алуу үчүн заводдорду кыдырып, сапаты кепилдиги бар ишканалар менен келишим түзүшөт. Мындай иш-аракеттер ортомчусуз керектүү жабдууларды сатып алууга мүмкүндүк берет.
«Бишкекжашылчарба», «Тазалык», «Бишкекасфальтсервис» жана «Бишкекжарык» муниципалдык ишканаларынын паркын 350 бирдиктен ашык заманбап атайын техникалар толуктайт.
Каражат Бишкек шаарынын мэриясынын бюджетинен бөлүнгөн. Бул атайын техника коммуналдык кызматтар үчүн зарыл, анткени техника паркы акыркы жолу 10 жылдан ашык убакыт мурун жаңыланган. Алар ушул күнгө чейин муниципалдык ишканалар тарабынан төлөнүп келген кредиттик негизде сатылып алынган.
Жакынкы аралыкта шаар тургундары борбордо жаңы заманбап атайын техникаларды көрө алышат.
