Бишкектеги Н. Исанов жана Тоголок Молдо көчөлөрүндө жайгашкан 126 мыйзамсыз жайгашкан жарнама конструкциясы демонтаждалып, Укук бузуулар жөнүндө кодексинин 107-беренесинин 3 жана 4-бөлүктөрүнө ылайык сегиз протокол түзүлдү. Бул тууралуу мэриянын басма сөз кызматы билдирди.
Маалыматка ылайык, жалпы айып пулдун суммасы 40 миң сомду түздү.
Мындан тышкары, Свердлов районунда Жер пайдаланууну контролдоо башкармалыгы менен биргеликте Гоголь көчөсүнүн боюнда, №12 жана №20 турак жай имараттарынын жанындагы жеңил конструкциялардын демонтаждоо иштери жүргүзүлүүдө.
