Жасалма акча жасоочулардын ишин аныктоо, бөгөт коюу жана бетин ачуу максатында ыкчам иштер жүргүзүлгөнүн ИИМден кабарлады.
Буга чейин бир нече жаран криптовалюта сатып алганы жатат деген маалыматтар таратылып, бул мүмкүнчүлүктөн пайдаланып, алдамчылар жасалма акча менен төлөөгө аракет кылышат деген божомолдор болгон.
Бишкек шаарынын аймагында кылмышка шектүү катары чет өлкөлүк 2001-жылы туулган С.И. аттуу жаран кармалды. Кармалган жарандан 362 900 АКШ доллар өлчөмүндө жасалма акча каражаты табылып алынды. Ал убактылуу кармоо жайына киргизилди.
Факт боюнча Кылмыш-жаза кодексинин «Акча жана баалуу кагаздарды жасалмалоо» беренеси менен кылмыш иши козголду. Учурда кылмыштуу топтун калган катышуучуларын аныктоо жана кармоо боюнча иштер жүргүзүлүүдө.
