Бишкек мэриясы Балдарды коргоонун эл аралык күнүнө карата майрамдык программа даярдады. Майрамдык салтанаттар «Ала-Тоо» борбордук аянтында жана шаардын ар бир районунда өткөрүлөт.
Бүгүн саат 10:00дөн 21:30га чейин Ала-Тоо аянтында Биринчи балалык фестивалы өттү. Коноктор үчүн фуд корттор, оюнчук жарманкелери жана оюн-зооктор уюштурулууда.
Балдарды жана алардын ата-энелерин этно оюндар, шашки, шахмат жана улуттук оюндар боюнча турнирлер, көркөм сүрөт искусствосу боюнча мастер-класстар, цирк, бет сүрөт, бий сынактары, ыр сынагы жана жаш сүрөтчүлөрдүн сынагы күтүүдө.
Ал эми саат 17.30да аянтта концерт башталат. Конокторго «Наристе» фестивалынын катышуучулары жана кыргыз эстрада жылдыздары концерт беришет.
Саат 20:00дө балдардын интернет-контентинин сегментинде феноменге айланган D Billions музыкалык тобунун чыгышы белгиленген.
Аталган майрамдык концертти 20:30дан тартып 7-каналдын социалдык тармактагы баракчаларынан түз эфирде көрө аласыздар!
