Бишкек шаарында башаламан токтотулган унаалар массалык түрдө эвакуацияланууда. Борбор калаадагы жол тыгындарынын себептеринин бири унаалардын туура эмес токтоп турушу болуп саналат.
Мэриядан билдиришкендей, рейд Токтогул көчөсү менен Жаш Гвардия бульвары жана Ибраимов көчөлөрүнүн кесилишинде, ошондой эле Киев, Абдрахманов көчөлөрүндө жана шаардын башка негизги жолдорунда жүргүзүлүүдө.
Эвакуацияланган унаалардын ээлери эвакуатордун кызматын – 1250 сом, унаа токтотуучу жайдын кызматын – 100 сом, ошондой эле административдик айып пул – 1000 сом төлөшү керек.
Бул багыттагы иштер туруктуу негизде улантылат.
