Бишкекте борбордук аянтта жаңы жылга карата концерт өтөт. Бул тууралуу Муниципалитеттин басма сөз кызматы билдирди.
Маалыматка ылайык, Бишкек шаарынын мэри Айбек Жунушалиев борбор калаанын мэриясынын түзүмдүк бөлүмдөрүнүн жана шаардык кызматтардын жетекчилери менен бирге жаңы жылды тосуу боюнча жыйынтыктоочу кеңешме өткөрдү.
Социалдык маселелер боюнча вице-мэр Виктория Мозгачеванын айтымында, негизги майрамдык иш-чара 31-декабрда саат 19:00дө Ала-Тоо аянтында концерттик программа менен коштолуп, эстрада артисттеринин катышуусунда уланат.
Ошондой эле мэр коомдук тартипти камсыз кылуунун маанилүүлүгүн белгилеп, борбордун укук коргоо органдарына шаарда, өзгөчө шаардыктар көп топтолгон жерлерде тартипти көзөмөлдөөнү жана сактоону тапшырды.
