Бүгүн, 19-сентябрда Бишкек шаарында Мурман жана Абакан көчөлөрүнүн ортосунда жайгашкан сейил бак менен Ж.Алыкулов атындагы ден соолукту чыңдоо комплексинин ачылыш аземи болуп өттү.
Маалыматка караганда, жалпы аянты — 2,48 гектарды түзөт. Бул иш-чарага Жогорку Кеңештин төрагасы Нурланбек Тургунбек уулу, УКМК төрагасы Камчыбек Ташиев, Бишкек шаарынын мэри Айбек Жунушалиев, Бишкек шаардык кеңешинин депутаты, Кыргыз дзюдо федерациясынын президенти Куванычбек Конгантиев катышты.
Сейил бактын аймагына резина жабылган балдар аянтчасы, воркаут-зона, 810 чарчы метр чуркоо жолу курулуп, 3 300 чарчы метр таман таш төшөлдү. Ошондой эле отургучтар, жарыктандыруучу чырактар, шахмат столу бар аянтча жана таштанды урналары орнотулду.
Мындан тышкары, 150 даана дарак отургузулуп, автоматтык сугаруу системасы менен 414 даана суу агызуучу жана дренаждык лотоктор орнотулду. Бул объект шаарды жашоого ыңгайлуу кылуу, спортту өнүктүрүү жана жашыл фондду көбөйтүү максатында ишке ашырылды.
Посмотреть эту публикацию в Instagram
