Бишкек мэриясы VI Дүйнөлүк көчмөндөр оюндарына келген чет элдик конокторду жана дүйнөлүк киноиндустриянын өкүлдөрүн кабыл алды.
Алардын арасында Голливуд актрисасы Bai Ling, актёр жана 11 жолку дүйнө чемпиону Don “The Dragon” Wilson, «Оскар» сыйлыгынын лауреаты Збигнев Жмудский жана продюсер Эрик Ялгашев бар.
Жолугушууда Бишкектин меймандостугу, шаардагы өзгөрүүлөр жана Кыргызстанда кино тартуу мүмкүнчүлүктөрү талкууланды.
Коноктор өлкөдөн алган таасирлери менен бөлүшүп, жылуу кабыл алуу үчүн ыраазычылык билдиришти.
Жолугушуунун соңунда конокторго эстелик белектер тапшырылды.
