Бишкекте унаа айдап качканга шектелип үч жигит кармалды. Бул тууралуу Биринчи май РИИБдин басма сөз кызматы билдирди.
Билдирүүгө ылайык, 10-апрелде милицияга Б.А. аттуу жаран кайрылып, анда Фрунзе көчөсүндөгү үйүнүн алдында токтоп турган «Honda Fit» үлгүсүндөгү унаасын белгисиз адамдар айдап кеткенин билдирген.
Аталган факты Кылмыштардын бирдиктүү реестрине 211-берене (унаа транспорт каражаттарын айдап качуу) менен каттоого алынып, тергөө амалдары башталган.
Теришитирүү иштеринин жүрүшүндө шектүү катары 20 жаштагы С.М., 19 жаштагы С.М. жана 20 жаштагы А.Б. аттуу жигиттер кармалып, убактылуу кармоочу жайга киргизилген.
Уурдалган унаа табылып, ээсине өткөрүлүп берилген.
