Бишкекте күйөөсү кызганычтан улам аялын бычак менен сайган. Бул тууралуу Ленин райондук ички иштер башкармалыгынан кабарлашты.
Маалыматка ылайык, аялына бычак менен кол салуу окуясы №1 шаардык клиникалык ооруканада болгон.
Милиция кызматкерлери 8-декабрда шектүү кызганычтан улам бычак менен аялынын санына бир нече жолу бычак сайганын, андан соң аял ооруканага жаткырылганын аныкташкан.
Бул факт боюнча экспертиза дайындалып, «бейбаштык» беренеси боюнча сотко чейинки өндүрүш иштери башталган.
«Шектүү Ленин райондук ички иштер башкармалыгына жеткирилип, кийинчерээк иштин чоо-жайы такталгыча ал коё берилген. Жабырлануучу 9-декабрда милицияга арыз жазып, күйөөсүнө чара көрүүнү суранган. Бирок эртеси күнү жабырлануучу күйөөсүнө коюлган дооматтардан баш тартуу боюнча каршы арыз түшкөн», — деп билдиришти Ленин РИИБден.
Учурда тергөө иштери уланууда.
