Бишкекте кайгуул кызматкерлерине баш ийбей качкан айдоочу кармалды. Бул тууралуу милициянын кайгуул кызматы кабарлады.
Маалыматка ылайык, бүгүн, 14-декабрда Дэн Сяопин жана Патриса Лумумба көчөлөрүнүн кесилишинен жол эрежесин бузган Nissan Mistral унаасын токтотушканда айдоочу кызматкерлерге баш ийбей токтобой качкан.
Ал качып бара жатып, коомдук коопсуздукту бузуп, башкаларга да тоскоолдук жана коркунуч жараткан.
Ыкчам аракеттердин натыйжасында Nissan Mistral үлгүсүндөгү унаа Медеров жана Жукеев-Пудовкин көчөлөрүнүн кесилишинен 1973-жылы туулган Р.К. аттуу айдоочу кармалып, ал мас абалда болгон.
Бул факты боюнча айдоочуга жалпы 7 протокол толтурулуп, унаа айып короого киргизилди.
