Бишкекте Свердлов районунун Орозбеков көчөсүндө Көк-Сай базарында жыйылган тактайлардан өрт чыкты. Бул тууралуу ӨКМдин басма сөз кызматынан билдиришти.
Маалыматка ылайык, тилсиз жоону өчүрүүгө саат 17:22де Свердлов райондук №3 ӨКБдан 2, Биринчи Май райондук №4 ӨКБдан 1, Свердлов райондук №2 ӨКБдан 1, Штаб жөнөтүлдү.
Кошумча саат 17:44тө Биринчи Май райондук №8 АӨКБдан 1 күжүрмөн эсеп, “Бишкексууканал” муниципалдык ишканасынан 2 суу ташуучу унаа тартылган. ӨКМден жалпы 5 күжүрмөн эсеп жана штаб өрттү өчүрүү иштерин жүргүздү.
Өрт саат 20:16да толук өчүрүлүп, жалпы аянты болжол менен 800 чарчы метрди түзгөн. Бактыга жараша жабыркагандар жок.
Посмотреть эту публикацию в Instagram
