28-январь күнү Бишкектин Интергельпо көчөсүндөгү таштанды челектен ымыркай табылды. Бул тууралуу Ленин РИИБден кабарлады.
Маалыматка караганда, наристени окуучулар таап алышкан. Ымыркай ооруканага жаткырылган.
Укук коргоо органдары бул факт боюнча кылмыш ишин козгоп, баланын энесин издеп жатышат. Саламаттык сактоо министрлиги ымыркай ооруканага өтө оор абалда жеткирилгенин билдирди.
Наристе айына жетпей төрөлгөн, учурда Шаардык балдар ооруканасынын жандандыруу бөлүмүндө, абалы орточо оор деп бааланууда.
