Дүйнө таанымыңызды байытып, кызыктуу кеч өткөрүүнү кааласаңыз Бишкек шаарында Татарстан Республикасынын кино күндөрү башталат. Бул туурасында “Кыргызтасмасы” билдирет.
8–10-август күндөрү Бишкек шаарынын тургундарына жана конокторуна заманбап татар тасмалары сунушталып, көрүүчүлөр Татарстан элинин турмушу, каада-салты, ички дүйнөсү жана чыгармачылык потенциалы менен жакындан таанышуу мүмкүнчүлүгүнө ээ болушат.
Кино күндөрүнүн расмий ачылышы 8-августта саат 18:00дө “Ала-Тоо” кинотеатрында өтөт. Бардык кинокөрсөтүүлөр Бишкек шаарындагы “Ала-Тоо” кинотеатрында саат 18:00дө башталат.
Кирүү акысыз.
