Бишкекте зер буюмдарды уурдоого шектелип казакстандык жарандар кармалды. Бул тууралуу Октябрь ОИИБнын басма сөз кызматы билдирди.
Маалыматка ылайык, 10-кичи райондун тургуну 1-мартта үйүнөн акча жана зер буюмдарды уурдатканын билдирип, милицияга кайрылган.
Анын айтымында, ал адам 428 миң сомдук зыянга учураган.
Бул окуя боюнча ыкчам иликтөө иштери жүрүп, шектүү катары 2 казак жараны, 37 жаштагы К.Р. жана 35 жаштагы Ш.Д. аттуу адам кармалган.
Тергөө иштеринин жүрүшүндө алардын дагы уурулукка тиешеси бардыгы аныкталган.
Милиция бул адамдар тууралуу кандайдыр бир маалымат билгендерди жана алардан жапа чеккендер болсо төмөнкү номерлерге кабарлап коюуну өтүнөт.
Посмотреть эту публикацию в Instagram
