Бишкекте катуу шамалдан улам үч күнгө өзгөчө кырдаал режими киргизилди. Бул тууралуу вице-мэр Жыргалбек Шамыралиев журналисттерге берген маегинде билдирди.
Анын айтымында, учурда комиссия иштеп жатат, анын корутундусунун негизинде калыбына келтирүү иштери жүргүзүлөт. Ушул тапта 26 социалдык объектте катуу шамалдын кесепеттерин жоюу иштери жүрүп жатат.
«Шаарда 70 бак кыйылып, буга чейин алынып салынган. Санитардык тазалоо иштери уланууда. Бүгүнкү күндө дээрлик бардык кесепеттер жоюлуп, калыбына келтирүү иштери уланууда», — деди ал.
