Бишкекте жаңы жылдык жарманкелер 10 күн бою уланат. Бул тууралуу шаардык мэриянын басма сөз кызматы билдирди.
Маалыматка ылайык, Свердлов жана Биринчи Май райондорунун жарманкеси 21-декабрдан 31-декабрга чейин саат 11:00дөн 16:00гө чейин Чүй кең көчөсү менен Эркиндик бульварынын кесилишинде болот.
Ошондой эле, октябрь районунда 21-декабрдан 26-декабрга чейин саат 15:00дөн 18:00гө чейин Ынтымак-2 сейил багында болот.
Белгилей кетсек, жарманкелерде айыл чарба азыктарын жана башка көптөгөн буюмдарды сатып алууга болот.
