Бишкек шаардык кеңешинин депутаты Жаныбек Асанбеков Бишкектин түштүк-батыш көрүстөнүнө болгон иш сапарында таң калычтуу жагдайга туш болгон. Бул тууралуу ал өзүнүн социалдык тармактарына жазып, видеосу менен бөлүшкөн.
Тасмада көрсөтүлгөндөй, тирүү аял өзүнө көрүстөн тургузуп, эстелигин орнотуп, ага туулган күнүн жазып койгон. “Бишкек аза кызматтарын көрсөтүү агенттигинин” өкүлүнүн айтымында, ал аялдын ден соолугу жакшы жана ал эстелигинин айланасын тазалап, кам көрүп келет.
Эскерте кетсек, бүгүн “Бишкек аза кызматын көрсөтүү агенттиги” муниципалдык ишканасынын ишмердүүлүгүн текшерүү максатында жумушчу комиссия борбор калаада жайгашкан бир катар көрүстөндөргө текшерүү иштерин жүргүзгөн.
