Архитектура, курулуш, турак жай-коммуналдык чарба министрлиги Бишкектеги Юнусалиев көчөсү, 179/1 дарегинде жайгашкан 12 кабаттуу үйдү мыйзамдаштырды. Бул тууралуу министрликтин басма сөз кызматы билдирди.
Маалыматка ылайык, кечээ пайдаланууга берүү актына кол коюлуп, тиешелүү документтерди Мамлекеттик архитектура-курулуш көзөмөл департаментинин директору Эрназарбек Сүйөркулов үйдүн жашоочуларына өзү тапшырды.
Имарат «МЗМ Строй» тарабынан уруксатсыз курулуп, 11 жылдан ашык убакыттан бери көйгөйлүү абалда турган. Бул убакыт аралыгында жашоочулар батирлерин каттоодон өткөрө албай, мүлктөрүн каттоодо кыйынчылыктарга туш болушкан.
